Gedicht des Monats · Februar 2016
Fitzgerald Kusz (*1944)
fußgängerzonen-blues
iich laaf durch di schdadd
und di schdadd
läffd durch miich durch
iich schwimm gechern schdrom
und deä schdrom
schwimmd gechä miich
iich rembl jeden oo
und jedä
rembeld zurück
iich glodz in schaufensdä
und di schaufensdä
glodzn aff miich
iich foä rolldrebbm rauf
und rolldrebbm
foän mi widdä roo
iich renn durch kaufhaisä
und di kaufhaisä
rennä mid miä dävoo
iich kaff schund
und dä schund
kaffd miich
iich väjubel es geld
und es geld
väjubeld miich
iich laaf durch di schdadd
und di schdadd
läffd mid miä mid
Quelle: Poesiealbum neu „Alles fließt. Gedichte zur Bewegung“,
herausgegeben von Ralph Grüneberger, Edition kunst & dichtung, Leipzig 2015